«Քարֆուր»-ը Հայաստանում այնքան էլ դեմոկրատական քաղաքականություն չի վարում. «Հրապարակ»

«Հրապարակ»-ը գրում է.

«Վերջերս մենք անդրադարձանք այն խնդրին, որ Դուբայից կառավարվող ֆրանսիական «Քարֆուր» սուպերմարկետների ցանցը Հայաստանում ոչ այնքան դեմոկրատական քաղաքականություն է վարում, մատակարարներից պահանջելով մեծ զեղչեր՝ մինչև 15% և ավելի:

Օրերս «Քարֆուր» ընկերությունից տեղեկատվություն էին տարածել, որով հերքում էին ԶԼՄ-ների հրապարակումները, թե իրենք 15% զեղչ են պահանջում: Բայց միայն այդքանը, ուրիշ ոչինչ՝ առանց որևէ բացատրության կամ պարզաբանման: Մինչդեռ, մեր տեղեկություններով, հանրային կարծիքի, մամուլի կողմից ճնշման և մատակարարների անզիջում կեցվածքի ազդեցությամբ «Քարֆուրում», այսպես ասած, «զադնի են դրել»՝ հրաժարվելով այդ քաղաքականությունից:

Շատ մատակարարներ հրաժարվել են նման պայմաններով աշխատելուց, և ավելի ակնհայտ պատկերը կերևա մի քանի օրից, երբ սկսեն պայմանագրեր կնքել: Ւ դեպ, 15% զեղչը միջինացված թիվ է, խոսքը նորմայից ահռելի բարձր զեղչերի մասին է՝ 10 տոկոսից մինչև նույնիսկ 17-18%: Ուստի, եթե «Քարֆուրից» հերքում են դա, կարող են ավելի թափանցիկ լինել՝ հրապարակելով իրենց պահանջած զեղչերն ու համագործակցության մյուս պայմանները»։

Մանրամասն՝ թերթի այսօրվա համարում: