կարևոր
2191 դիտում, 6 ամիս առաջ - 2023-11-21 11:16
Քաղաքական

Ֆրանսիան ռազմատենչ քաղաքականություն է վարում, զինում է Հայաստանին․ Ալիևը կրկին մեղադրում է Փարիզին

Ֆրանսիան ռազմատենչ քաղաքականություն է վարում, զինում է Հայաստանին․ Ալիևը կրկին մեղադրում է Փարիզին

Բաքուն կրկին մեղադրանքներ է հնչեցնում Փարիզի հասցեին՝ «Հարավային Կովկասում կայունությունը խաթարելու համար»։

«Ֆրանսիան ռազմատենչ քաղաքականություն է վարում, զինում է Հայաստանին, խրախուսում է ռևանշիստական ուժերին Հայաստանում և հող է նախապատրաստում մեր տարածաշրջանում նոր պատերազմներ սանձազերծելու համար», - ըստ ադրբեջանական APA գործակալության՝ «Ապագաղութացում. կանանց ուժեղացում և զարգացում» միջազգային համաժողովի ժամանակ հայտարարել է Ադրբեջանի նախագահը Իլհամ Ալիևը։

Բաքուն բազմիցս է Փարիզին մեղադրել «միակողմանի մոտեցման ու հայամետ դիրքորոշման համար»՝ վերջին շրջանում փաստացի բոյկոտելով բանակցային բոլոր այն հանդիպումները, որոնց մասնակցելու էր Ֆրանսիայի նախագահը։

Հիշեցնենք, որ Ալիևն անակնկալ չեղարկեց հոկտեմբերի 5-ի Գրանադայի հանդիպումը, որտեղ կողմերը պատրաստվում էին քննարկել Հայաստանի ու Ադրբեջանի միջև խաղաղության պայմանագիրը։ Ադրբեջանի հիմնական դժգոհությունը Ֆրանսիայի մասնակցությունն էր և Փարիզի վերջին հայտարարությունները՝ Հայաստանին աջակցելու վերաբերյալ։