Եղվարդի «Նաիրի» բուժկենտրոնում գտնվող 17 երեխա այսօր դուրս է գրվել

Եղվարդի «Նաիրի» բժշկական կենտրոնում բուժվող 17 երեխա այսօր դուրս է գրվել հիվանդանոցից: Երևանի «Նորք» ինֆեկցիոն հիվանդանոցում բուժում ստացած 19 երեխայից 18-ը ևս դուրս են գրվել:

ՀՀ առողջապահության նախարար Արմեն Մուրադյանն այսօր կրկին այցելել է «Նորք» ինֆեկցիոն հիվանդանոցում բուժում ստացող երեխաներին: Երևանի և Եղվարդի բժշկական կենտրոններում բուժվող փոքրիկներին Արմեն Մուրադյանը ՀՀ վարչապետ Հովիկ Աբրահամյանի անունից նվերներ է փոխանցել:

Նշենք, որ Եղվարդի մանկապարտեզում թունավորման հետևանքով այս պահին հիվանդանոցային բուժում է ստանում 15 հիվանդ, որոնցից 13-ը` Եղվարդում: Երևանի «Նորք» ինֆեկցիոն հիվանդանոցում և «Սուրբ Աստվածամայր» բժշկական կենտրոնում շարունակում է բուժվել մեկական երեխա: