Զոհված օդաչուներին Եռաբլուրում հողին հանձնեցին

Այսօր «Եռաբլուր» զինվորական պանթեոնում հողին հանձնեցին նոյեմբերի 12-ին ուսումանական զորավարժության ժամանակ հակառակորդի կողմից կործանված Մի-24 ուղղաթիռի զոհված օդաչուներին:

Մինչ այդ ԼՂՀ նախագահ Բակո Սահակյանի կողմից ԼՂՀ Պաշտպանության բանակի հրամանատար Մովսես Հակոբյանը զոհված օդաչուների հարազատներին հանձնեց օդաչուներին հետմահու շնորհված շքանշանները:

ՀՀ պաշտպանության նախարար Սեյրան Օհանյանն իր ելույթում ընդգծեց. «Ընդամենը 5 օր առաջ, Եռաբլուրում հողին հանձնելով զորավար Սեպուհի աճյունասափորը, մենց ցույց տվեցինք, որ հաստատակամ ենք հայրենիք վերադարձնել բոլոր նրանց, ովքեր տեր են կանգնել Հայաստանի ազատությանը»:

Նախարարը ևս մեկ անգամ շնորհակալություն հայտնեց ինչպես զոհված օդաչուներին, այնպես էլ նրանց դիակները տարհանած հատուկջոկատայիններին: «Հավերժ փառք մեր օդաչուներին»,- ասաց նա:

Տեսանյութն` ավելի ուշ: