Պատարագ` Քուվեյթում՝ խոցված ուղղաթիռի օդաչուների հիշատակին

Քուվեյթի և Արաբական ծոցի երկրների թեմի կաթողիկոսության փոխանորդ տեր Մասիս վարդապետ Զոփոյանի նախագահությամբ` նոյեմբեր 28-ին Քուվեյթի Սրբոց Վարդանանց եկեղեցում տեղի է ունեցել հոգեհանգստի սուրբ պատարագ՝ նվիրված նոյեմբերի 12-ին ղարաբաղա-ադրբեջանական շփման գծում խոցված ուղղաթիռի օդաչուներին. հայտում է Yerakouyn-ը:

Պատարագի ընթացքում աղոթել են նահատակների հոգիների և Հայաստանի ու Արցախի խաղաղության համար՝ քուվեյթահայ համանյքի անունից խորին ցավակցություններ հայտնելով Հայաստանի իշխանություններին և զոհվածների ընտանիքներին: Տեր Մասիս վարդապետ Զոփոյանը հայտնել է, որ քուվեյթահայությունը պատրաստ է նեցուկ կանգնել հայրենիքին և բոլոր միջոցներով նպաստել դրա բարգավաճմանը և առաջադիմությանը:

Խոսելով Հայաստանի և Արցախի առջեւ ծառացած խնդիրների և մարտահրավերների մասին՝ Քուվեյթում ՀՀ դեսպան Ֆադեյ Չարչօղլյանը կարևորել է Հայաստան-Սփյուռք-Արցախ եռամիասնության ամրապնդումն ու հետագա սերտ համագործակցությունը` շեշտելով Հայոց բանակի ծանրակշիռ դերն ու հսկայական ներդրումը անվտանգության ամրապնդման և խաղաղության պահմանման գործում: