Ձյուդո. Հովհաննես Դավթյանը՝ արծաթե մեդալակիր

Չինաստանի Քինդաո քաղաքում ընթացող GRAND PRIX հեղինակավոր վարկանիշային մրցաշարին մասնակցող` ՀՀ ազգային հավաքականի անդամ` gյումրեցի Հովհաննես Դավթյանը մրցաշարի առաջին օրը երեք անընդմեջ հաղթանակից հետո դուրս եկավ եզրափակիչ և գրավեց 2-րդ մրցանակային տեղը` զիջելով միայն ֆրանսիացի Վինսենտ Լիմարին: Այսպիսով` Դավթյանը վաստակեց 180 միավոր և համաշխարհային վարկանիշային աղյուսակում եթե մինչ այս մրցաշարը 471 միավորով զբաղեցնում էր 34-րդ հորիզոնականը, ապա այժմ զգալիորեն կբավարարի իր դիրքերը. տեղեկացնում է Հայաստանի ձյուդոյի ֆեդերացիայի պաշտոնական կայքը:

Մեր մյուս մասնակիցները` Գրիգոր Իվանյանը և Ժաննա Ստանկևիչը, դուրս մնացին պայքարից առաջին գոտեմարտից հետո: Հավելենք որ Գրիգորը պարտվել էր yuko-ով հենց նույն ֆրանսիացի Վինսենտ Լիմարին, բայց քանի որ այս մրցաշարերում սփոփիչ գոտեմարտերը  անցկացվում են 1/4-ից, այդ իսկ պատճառով նա դուրս մնաց մեդալների համար պայքարից: