կարևոր
76657 դիտում, 1 տարի առաջ - 2023-04-21 23:01
Սպորտ

Դավիթ Հովհաննիսյանը Եվրոպայի չեմպիոն է, Արա Աղանյանը՝ արծաթե մեդալակիր

Դավիթ Հովհաննիսյանը Եվրոպայի չեմպիոն է, Արա Աղանյանը՝ արծաթե մեդալակիր

Ծանրամարտի ԵԱ 96 կգ քաշային կարգում Հայաստանի հավաքականը երկու մեդալ նվաճեց:

Դավիթ Հովհաննիսյանը հռչակվեց Եվրոպայի չեմպիոն, Արա Աղանյանը՝ փոխչեմպիոն։

Դավիթ Հովհաննիսյանը պոկում վարժությունում երեք հաջող մոտեցմամբ բարձրացրեց 164, 167, 170 կգ: Այս վարժությունում Հովհաննիսյանը նվաճեց փոքր ոսկե մեդալ: Հրում վարժությունում նա ֆիքսեց 200, 205 կգ և այս վարժությունում ևս դարձավ ոսկե մեդալակիր: Երկամարտի 377 կգ արդյունքով Եվրոպայի կրկնակի չեմպիոնը Դավիթ Հովհաննիսյանն է: 

Հայաստանի ընտրանու մյուս անդամը` Արա Աղանյանը, պոկում վարժությունում ունեցավ մեկ հաջող մոտեցում` 165 կգ: Այս վարժությունում Աղանյանը նվաճեց փոքր բրոնզե մեդալ: Հրումում Աղանյանը մեկ մոտեցմամբ` 199 կգ-ով դարձավ վարժության արծաթե մեդալակիր, իսկ երկամարտում նա գրանցեց 364 կգ արդյունք ու դարձավ Եվրոպայի փոխչեմպիոն:

Արա Աղանյանը երկրորդ մեդալը նվաճեց Եվրոպայի առաջնությունում: Աղանյանը նախորդ տարի դարձել էր ԵԱ-ի արծաթե մեդալակիր: