Աբովյանցի տիկինն ընդհատեց նախագահի խոսքը

Գործող նախագահի, նախագահի ՀՀԿ-ական թեկնածու Սերժ Սարգսյանն Աբովյան քաղաքում է: Այս պահին նա ելույթ է ունենում Աբովյանի երաժշտական դպրոցում:

Ուշագրավ է, որ ինչպես Երեւանի Դավիթաշեն համայնքի բնակիչների հետ, այնպես էլ այս հանդիպման ժամանակ նախագահ Սերժ Սարգսյանը հատուկ խոսեց ՊԵԿ-ում կատարված բարեփոխումների մասին: Ընդգծեց, որ օրեր առաջ եղել է ՊԵԿ-ում, եւ պետք է փաստել մի հաճելի բան, որ ահագին աշխատանք է կատարվել: Այս խոսքերից հետո դահլիճում ներկա տիկնանցից մեկն ինքնաբուխ արձագանքեց.  «Ճիշտ եք ասում, պարո'ն նախագահ»:

Սերժ Սարգսյանը հավելեց, որ երբ որեւէ գերատեսչության վերաբերյալ դրական խոսք է ասում, չի նշանակում, որ դրանք աշխատում են գերազանց, եւ որեւէ խնդիր այդ համակարգում չկա, սակայն երբ մարդու աշխատանքում տեղաշարժ կա, թեթեւ գովեստի խոսքերն ավելորդ չեն: