Կադիրովն Օբամային խորհուրդ է տվել պետական գործերով զբաղվել

Չեչնիայի նախագահ Ռամզան Կադիրովը ԱՄՆ նախագահ Բարաք Օբամային խորհուրդ է տվել ավելի ջանասիրաբար զբաղվել պետական գործերով։ Այդ մասին նա գրել է իր Instagram-ում. հայտնում է РИА Новости-ն։

«Մենք շնորհավորում ենք մեր ազգային առաջնորդ Վլադիմիր Պուտինին։ Իսկ Բարաք Օբաման մտածելու տեղ ունի։ Իմ ձիու նկատմամբ պատժամիջոցներ հայտարարելու փոխարեն լավ կաներ ղեկավարին վայել գործերով զբաղվեր»,- գրել է Կադիրովը։

Նշենք, որ նախօրեին հայտնի է դարձել, որ ՌԴ նախագահ Վլադիմիր Պուտինը, ըստ Forbes ամսագրի, 2-րդ տարին շարունակ գլխավորում է ամենաազդեցիկ մարդկանց ցուցակը:

Հիշեցնենք, որ Կադիրովի ձիուն ԱՄՆ-ում արգելել էին մասնակցել ձիարշավի, լիցենզիայի հետ կապված խնդիրներ էին ծագել: