Հայաստանի գավաթ. «Ուլիս»-ը դուրս մնաց հետագա պայքարից

Ֆուտբոլի Հայաստանի գավաթի խաղարկության քառորդ եզրափակիչ փուլի պատասխան խաղում «Ուլիս»-ը հյուրընկալվելիս 2 անպատասխան գնդակ ուղարկեց «Բանանց»-ի դարպասը, սակայն  դուրս մնաց հետագա պայքարից:  Հյուրերի կազմում գոլի հեղինակ դարձան Սերգեյ Օվչինիկովը` 25’, և Աղվան Պապիկյանը` 48’: Հիշեցնենք, որ թիմերի միջև կայացած առաջին խաղում «Բանանց»-ը հաղթել էր 4:1 հաշվով:

Զուգահեռաբար ընթացող` «Շիրակ»-«Փյունիկ»  խաղում գրանցվեց ընդամենը մեկ խփած գնդակ: Սեփական հարկի տակ 3:0 հաշվով հաղթելուց հետո «Փյունիկ»-ը հաղթանակ տոնեց նաև Գյումրիում տեղի ունեցած պատասխան խաղում և դուրս եկավ կիսաեզրափակիչ:  24-րդ րոպեին գոլի հեղինակ դարձավ Գագիկ Պողոսյանը: