Ռուսաստանի գավաթ. «Սպարտակ»-ը դուրս մնաց հետագա պայքարից

Ֆուտբոլի Ռուսաստանի գավաթի 1/8 եզրափակիչում Մոսկվայի «Սպարտակ»-ը մրցեց Ռուսաստանի 2-րդ դիվիզիոնում հանդես եկող «Տոսնո»-ի հետ: Հանդիպումն անցավ փոխնեփոխ գրոհներով: 2 թիմերն էլ ունեցան դարպասը գրավելու լավ հնարավորություններ, սակայն 90 րոպեների ընթացքում այդպես էլ հաշիվը չբացվեց, և թիմերը պայքարը շարունակեցին լրացուցիչ 30 րոպեների ընթացքում:

113-րդ րոպեին Վալենտին Ֆիլատովը գրավեց Անտոն Միտրյուշկինի պաշտպանած դարպասը և իր թիմին դուրս բերեց ¼ եզրափակիչ:

Ավելացնենք, որ Հայաստանի ազգային հավաքանի ֆուտբոլիստներ Յուրա Մովսիսյանն ու Արաս Օզբիլիսը «Սպարտակ»-ի մեկնարկային կազմում դուրս եկան խաղադաշտ: Օզբիլիզը մասնակցեց ողջ հանդիպմանը, իսկ Մովսիսյանը փոխարինվեց 71-րդ րոպեին: