Բելառուսն ու Ռուսաստանը միայն միասին կկարողանան դիմակայել սպառնալիքներին. Լուկաշենկո

Բելառուսը և Ռուսաստանը միայն միասին կկարողանան դիմակայել բոլոր սպառնալիքներին: Այս կարծիքին է  Բելառուսի նախագահ Ալեքսանդր Լուկաշենկոն. հայտնում է РИА Новости-ն: 

«Մենք չենք դիտարկում մեզ ՌԴ-ից առանձին: Միայն միասին, միայն համատեղ գործունեությամբ, միայն, եթե մենք դիմակայենք բոլոր սպառնալիքներին միասին, կարող ենք դիմանալ և ողջ մնալ»,- ասել է Լուկաշենկոն՝ Մինսկում Սվերդլովի շրջանի նահանգապետ Եվգենի Կույվաշևի հետ հանդիպման ժամանակ:

Նա համարում է, որ ապացույց կարող են ծառայել Ուկրաինայի իրադարձությունները:

«Ո՞վ կարող էր մտածել, որ նման բան ընդհանրապես կարող է տեղի ունենալ: Այն, ինչ ես ասացի, արդիական է, և ես կարծում եմ, որ մենք (ՌԴ-ի հետ) եղել ենք և կլինենք միասին»,- ընդգծել է նա: