Հոկտեմբերի 10-ը ահուսարսափ է առաջացնում իշխանությունների մոտ

Վանաձորում մեկնարկել է երեք քաղաքական ուժերի հրավիրած իրազեկման հանրահավաքը:

«Ժառանգություն» կուսակցության փոխնախագահ Արմեն Մարտիրոսյանը նշեց, որ ներկայիս իշխանությունը թաթախված է կոռուպցիայի մեջ, որի առավելագույն բարեփոխումը Շանթ Հարությունյանին ու նրա որդուն տարիների դատապարտման տալն է ու Սուրիկ Խաչատրյանին մարզպետ վերանշանակելը:

ԲՀԿ մամուլի քարտուղար Տիգրան Ուրիխանյանը հարթակից հարցեր ուղղեց հավաքվածներին. «Կա՞ն ձեր մեջ գործազուրկներ, վարկերի տակ ապրողներ, հուսահատվածներ... Ասեք,  թող լսեն, որ չասեն, թե քաղաքական օրակարգ չունենք»:

Ըստ նրա` հոկտեմբերի 10-ի հանրահավաքը ահուսարսուռ է առաջացնում իշխանությունների  մոտ: