Վրացի ոստիկանները` թուրք գործարարների ահուսարսափ

Վրացի ոստիկանները թուրք գործարարների ավտոմեքենաների, բեռների մեջ թմրանյութ են գցում, ապա մեծ գումարներ շորթում` նրանց ազատ արձակելու համար. այսպիսի մեղադրական է ներկայացրել թուրքական Vatan թերթը:

Ըստ հրապարակման` վերջին երկու տարիներին Վրաստանում տարբեր մեղադրանքներով ձերբակալվել են մոտ 100 թուրք գործարարներ, որոնցից 33-ն ազատ են արձակվել, երբ գործին միջամտել է Թուրքիայի վարչապետ Ռեջեփ Թայիփ Էրդողանը:

«Ներկայումս վրացական բանտերում 62 թուրք կա, նրանց մեծ մասն անմեղ է»,- գրում է թերթը, նաեւ հիշեցնում մի թուրք գործարարի պատմություն, որը 100 մլն դոլարի ներդրում է կատարել Վրաստանում` 3 բանտի շինարարության գործում, իսկ ներկայումս դրանցից մեկում բանտարկված է: