Դավիթ Հարությունյանը Փարիզում մասնակցում է սահմանադրական բարեփոխումների հայեցակարգի նախագծի քննարկումներին

Վարչապետ Հովիկ Աբրահամյանի որոշմամբ` կառավարության աշխատակազմի ղեկավար-նախարար Դավիթ Հարությունյանը 2014 թվականի սեպտեմբերի 18-20-ը կգործուղվի Փարիզ` Վենետիկի հանձնաժողովի աշխատանքային խմբի հետ սահմանադրական բարեփոխումների հայեցակարգի նախագծի քննարկումներին մասնակցելու համար:

Դավիթ Հարությունյանի՝ Փարիզ գործուղման հետ կապված օրապահիկի ծախսերը կկատարվեն Հայաստանի Հանրապետության 2014 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների հաշվին:

Դավիթ Հարությունյանի՝ Փարիզ գործուղման հետ կապված ճանապարհածախսը և գիշերավարձի ծախսերը կատարվելու են հրավիրող կողմի հաշվին: