«Անի Պլազա»-ում կախված տղամարդու մահվան հանգամանքները պարզելու համար փորձաքննություններ են նշանակվել

«Անի Պլազա» հյուրանոցում կախված վիճակում հայտնաբերված` 42-ամյա Վարդգես Օրգուսյանի մահվան դեպքի  առթիվ  ՀՀ Քննչական կոմիտեում նյութեր են նախապատրաստվում, մահվան հանգամանքները պարզելու համար նշանակվել են փորձաքննություններ: Այս մասին yerkir.am-ին հայտնեց քննչական կոմիտեի մամլո պատասխանատու  Սոնա Տռուզյանը:

Հիշեցնենք, որ yerkir.am-ը գրել էր, որ սեպտեմբերի 14-ին «Անի Պլազա»-ի աշխատակիցներից մեկը հյուրանոցի 10-րդ հարկի համարներից մեկում կախված վիճակում հայտնաբերել էր տղամարդու դի, ինչից հետո ահազանգել էին ոստիկանություն:

Այսօր դեպքի վերաբերյալ մանրամասներ ճշտելու ակնկալիքով այցելեցինք հիշյալ հյուրանոց, սակայն ղեկավարությունից հրաժարվեցին որևէ տեղեկություն տրամադրել` խորհուրդ տալով դիմել ոստիկանություն: Նշենք, որ, մեր տեղեկություններով, մահացածը Բաղրամյան պողոտայի բնակիչ է, ամուսնացած է և ընտանիք ունի: