Ռուսական շուկան այսուհետ բաց է թուրքական կաթնամթերքի համար

Այսուհետ Ռուսաստան կաթնամթերք կմատակարարեն թուրքական ընկերությունները: Այդ մասին ասվում է «Ռոսսելխոզնադզոր» դաշնային ծառայության հայտարարության մեջ. հայտնում է РИА Новости-ն:

Ավելի վաղ հայտնել էինք, որ Ռուսաստանն ու Թուրքիան թուրքական ապրանքների ներկրման ընդլայնման մասին արձանագրություն են ստորագրել: Նշվում էր, որ խոսքը գնում է այնպիսի ապրանքատեսակների արտահանման մասին, որոնք նախկինում երբեք չեն արտահանվել Ռուսաստան: 

Այսպիսով՝  ներկայումս, բացի մսամթերքից և ձկնեղենից, Թուրքիան երկիր կմատակարարի նաև կաթնամթերք:

Հիշեցնենք, որ Ռուսաստանը, ի պատասխան Արևմուտքի պատժամիջոցների, արևմտյան մի շարք երկրներից ապրանքների ներկրման արգելք էր մտցրել: Այդ ապրանքների թվում էր նաև կաթնամթերքը: