Ռուսաստանն ու Իրանը պատժամիջոցներին կպատասխանեն առևտրային գործարքով

 Ռուսաստանն ու Իրանը ստորագրել են Փոխըմբռնման մասին հուշագիր, որը նախատեսում է տնտեսական համագործակցության կտրուկ ակտիվացում. հայտնում է  ՌԴ-ի էներգետիկայի նախարարությանը:

Ինչպես գրում է Коммерсант-ը՝ փաստաթուղթը Մոսկվայի և Թեհրանի միջև առտևրանավթային ոլորտում բազմամիլիարդանոց փաթեթային համաձայնության հիմք է դնում:

Հուշագիրը ենթադրում է առևտրատնտեսական համագործակցության ընդլայնում շինարարության, էլեկտրացանցային ենթակառուցվածքի զարգացման, նավթագազային համալիրի, ինչպես նաև ավտոմեքենաների, սարքավորումների և սպառման ենթակա այլ ապրանքների մատակարարման ոլորտներում:

ՌԴ կառավարությունում եղած աբյուրների համաձայն՝ տնտեսական կապերի զգալի ուժեղացման մասին Ռուսաստանի նախագահ Վլադիմիր Պուտինը և նրա իրանցի գործընկեր Հասան Ռոհանին պայմանավորվել էին անցյալ տարի Բիշկեկում՝ նրանց առաջին հանդիպման ընթացքում: