ՄԱԿ-ի գլխավոր քարտուղարն Իրանին կոչ է արել իրականացնել Միջուկային գործարքով ստանձնած իր պարտավորությունները

ՄԱԿ-ի գլխավոր քարտուղար Անտոնիո Գուտերեշն Իրանին կոչ է արել հավատարիմ մնալ Միջուկային համապարփակ համաձայնագրին եւ իրականացնել համաձայնագրով ստանձնած պարտավորությունները: Այս մասին հունիսի 8-ին կազմակերպված մամուլի ասուլիսի ժամանակ տեղեկացրել է ՄԱԿ-ի գլխավոր քարտուղարի մամուլի խոսնակ Ֆարհան Հաղը. տեղեկացնում է ԻՌՆԱ-ն:

Պատասխանելով լրագրողների այն հարցին, թե ՄԱԿ-ի գլխավոր քարտուղարն ինչպես է վերաբերվում Իրանի՝ ուրանի հարստացման նորմերը գերազանցելու որոշմանը, Ֆարհան Հաղն ասել է. «Գլխավոր քարտուղարն Իրանին կոչ է անում լիարժեք իրականացնել համաձայնագրով ստանձնած իր պարտավորությունները եւ մասնակցել երկրի առջեւ ծառացած մարտահրավերների հաղթահարման ուղիներ գտնելու գործընթացին»: