Վլադիմիր Գասպարյանը երկու անգամ հրաժարականի դիմում է ներկայացրել նախագահին

«Հայկական ժամանակ» թերթը գրում է. «Հովիկ Աբրահամյանի վարչապետ նշանակվելուց հետո ՀՀ ոստիկանապետ Վլադիմիր Գասպարյանը, մեղմ ասած, երջանիկ օրեր չէր ապրում։ Գասպարյան-Աբրահամյան հարաբերությունները, ինչպես հայտնի է, երբեք իրականում բարիդրացիական չեն եղել։ Հովիկ Աբրահամյանի վարչապետ դառնալուց հետո Վլադիմիր Գասպարյանի համար սկսված վայրիվերումներով լի շրջանը, սակայն, գոնե այս փուլում կարծես թե ավարտվել է։

«ՀԺ»-ի իշխանական աղբյուրները հայտնում են, որ Վլադիմիր Գասպարյանը անցած երկու ամիսների ընթացքում երկու անգամ հրաժարականի դիմում է ներկայացրել Սերժ Սարգսյանին։ Սերժ Սարգսյանը չի ստորագրել Գասպարյանի հրաժարականի դիմումները, եւ դատելով քաղաքացիական ակտիվիստների նկատմամբ վերջին օրերին ոստիկանության ներկայացուցիչների դրսեւորած վարքից՝ դա բավական ոգեւորել է Վլադիմիր Գասպարյանին։ Իրականում, սակայն, վարչապետ-ոստիկանապետ հարաբերությունները խիստ լարված են մնում եւ ամեն պահի կարող են էլ ավելի լարվել»։

Մանրամասները՝ թերթի այսօրվա համարում: