Հասմիկ Պողոսյանն արգելեց պատմամշակութային արգելոցները և թանգարանները վարձակալության տալը

Yerkir.am-ը ստորև ներկայացնում է հայտարարությունը, որը քիչ առաջ տեղադրվել է մշակույթի նախարարության կայքում:

Հայտարարություն. ՀՀ մշակույթի նախարարության պատմամշակութային արգելոցներին և թանգարաններին ամրացված տարածքների օգտագործման վերաբերյալ

Նկատի ունենալով պետական ոչ առևտրային կազմակերպությունների կողմից իրենց անժամկետ և անհատույց օգտագործման իրավունքով ամրացված տարածքները վարձակալությամբ տրամադրելու մասին Հայաստանի Հանրապետության օրենսդրությամբ սահմանված կարգով կնքված պայմանագրերի և գործող օրենսդրության դրույթների խախտումները՝ ՀՀ մշակույթի նախարար Հ. Պողոսյանի 2014 թվականի հունիսի 19-ի հրամանով դադարեցվել են միջոցառումների կազմակերպման նպատակով պատմամշակութային արգելոցների և թանգարանների տարածքների վարձակալական հիմունքներով տրամադրումը՝ մինչև նախարարության կողմից համապատասխան ընթացակարգերի սահմանումը: