Ամոթ. ակտիվիստները նախարարին սուլոցներով դիմավորեցին

Առավոտյան տեղեկանալով, որ կառավարությունը, անակնկալի բերելով թե' հասարակությանը, թե' քաղաքական ուժերին, այսօր հրավիրված ԱԺ արտահերթ նիստում պետք է քննարկման ու քվեարկության ներկայացնի նաեւ կուտակային կենսաթոշակային համակարգի վերաբերյալ նոր օրինագիծ, «Դեմ եմ» նախաձեռնության մի շարք ներկայացուցիչներ, մտահոգ քաղաքացիներ շտապել էին ԱԺ շենքի մոտ` իրենց բողոքն այդ առթիվ արտահայտելու:

Հավաքվածները նշեցին, որ սա ոչ թե «Դեմ եմ»-ի կազմակերպած ակցիան է, այլ ինքնաբուխ ակցիա է: Նշելով, թե կառավարության նոր օրինագծում, որքանով որ հաջողվել է ծանոթանալ, ոչ մի նոր բան չկա, եւ, ըստ էության, հին դրույթները ներկայացվում են նոր ձեւակերպմամբ, «Դեմ եմ»-ի ներկայացուցիչները նշեցին, որ նախ' պետք է ծանոթանան կառավարության ներկայացրած նոր օրինագծին, այնուհետև, եթե պետք լինի, նաեւ խոստացան վերսկսել բողոքի լայնածավալ ցույցերը: Իսկ մինչ այդ' նրանք  մտահոգություններ ունեն նոր օրինագծով առաջարկվող դրույթների վերաբերյալ:

Բողոքի ակցիայի մասնակիցները ՀՀԿ-ական պատագամավորներին եւ աշխատանքի եւ սոցիալական հարցերի նախարար Արտեմ Ասատրյանին ԱԺ մուտքի մոտ դիմավորում եւ ուղեկցում էին սուլոցներով ու «ամոթ» վանկարկումներով:

Մանրամասները' տեսանյութում: