Եթե Վլադիմիր Գասպարյանն այդ օրը լիներ Վերնիսաժում

Այսօր լրագրողների հետ զրույցում ոստիկանապետ Վլադիմիր Գասպարյանը, անդրադառնալով «Վերնիսաժ»-ի դեպքերին,  չցանկացավ մեկնաբանել դրա հետ կապված` նախկին ոստիկանապետ Ալիկ Սարգսյանի հայտարարությունները:

Նա միայն նշեց, որ գործով քննություն է ընթանում, և բոլոր այն անձինք, ովքեր ներգրավված են եղել այդ միջադեպում, արդեն հայտնի են, գործի ընթացքի մասին ոստիկանությունը հանրությանը պարբերաբար իրազեկում է: Վլադիմիր Գասպարյանը չհերքեց, որ դեպքի ականատեսնների մեջ եղել է քննիչ: Նշենք, որ, ըստ մամուլի հրապարակումների, այդ քննիչը Արագածոտնի մարզի քննչական վարչության պետ Մարատ Դուրյանն է:

Ոստիկանապետը վստահեցրեց, որ եթե ինքը լիներ դեպքի վայրում, «ամեն ինչ» հանգիստ լուծում կստանար:

Խոսելով Գորիսի դեպքերի մասին` Գասպարյանը նշեց, որ դեպքի մասին իմացել են մամուլի հրապարակումներից: