ԿԲ նախագահի պաշտոնում ՀՀ նախագահը կրկին առաջադրել է Արթուր Ջավադյանին

Ըստ Սահմանադրության` ԿԲ նախագահ նշանակվում է հանրապետության նախագահի առաջարկությամբ, ԱԺ-ի կողմից` վեց տարի ժամկետով: Հանրապետության նախագահը ԿԲ նախագահի պաշտոնում առաջադրել է ԿԲ գործող նախագահ Արթուր Ջավադյանի թեկնածությունը:

Նա ԱԺ նիստում նախ շնորհակալություն հայտնեց նախագահին իր հանդեպ վստահություն տածելու և իր թեկնածությունը ԿԲ նախագահի պաշտանում կրկին առաջադրելու համար:

 «Գիտակցում եմ, որ հնարավորություն եմ ստացել շարունակելու ծառայել մեր ժողովրդին և ստանձնում եմ մեծ պատասխանատվություն ՀՀ քաղաքացիների, ՀՀ նախագահի, խորհրդարանի և ԿԲ անձնակազմի առաջ»,- ասաց Արթուր Ջավադյանը:

Ներկայացնելով նախորդ վեց տարիների` ԿԲ գործունեությունը` նա նշեց, որ հետճգնաժամային ժամականահատվածում ԿԲ-ին հաջողվել է ոչ թե հակադրել, այլ համադրել Սահմանադրությամբ և օրենքներով սահմանված գների կայունության նպատակադրումները` որպես առաջնահերթություն դիտարկելով ֆինանսատնտեսական ճգնաժամի հաղթահարումը: