Թուրքիան որոշել է չկատարել ՄԻԵԴ որոշումը և Կիպրոսին չփոխհատուցել ռազմական ինտերվենցիայի համար

Անկարան մտադիր է անտեսել Մարդու իրավունքների եվրոպական դատարանի որոշումը և Կիպրոսին չվճարել 90 մլն եվրո: Այս մասին հայտնում է BBC-ն՝ վկայակոչելով Թուրքիայի արտգործնախարար Ահմեդ Դավութօղլուի հայտարարությունը:

Նա կարծիք է հայտնել, թե իբր Կիպրոսի հյուսիսում 1974թ.-ին ռազմական ինտերվենցիայի հետևանքների համար փոխհատուցում վճարելու վերաբերյալ ՄԻԵԴ-ի որոշումն արդար չէր, և այն կատարելը պարտադիր չէ:

Հիշեցնենք, որ մայիսի 12-ին ՄԻԵԴ-ը որոշել է, որ Թուրքիան պետք է, որպես բարոյական վնասի փոխհատուցում, 30 մլն եվրո վճարի իր ինտերվենցիայի հետևանքով անհետ կորած հարազատներ ունեցող անձանց: Մնացած 60 մլն եվրո փոխհատուցումը նախատեսված է այն հույն-կիպրոսցիների համար, ովքեր ապրում են թերակղզում: