Թուրքիան 90 միլիոն եվրո պետք է փոխհատուցի Կիպրոսին. ՄԻԵԴ

Մարդու իրավունքների եվրոպական դատարանն այսօր որոշեց, որ Թուրքիան պետք է 90 միլիոն եվրո վճարի Կիպրոսին՝ 1974 թվականին Կիպրոսի ներխուժման ընթացքում պատճառած վնասների ու դրանց հետևանքների համար: Այս մասին հայտնում է «Երկիր մեդիան»:

Այս դատավճռով նախատեսված փոխհատուցումն այն ամենախոշորներից է, որը երբևէ սահմանել է Մարդու իրավունքների եվրոպական դատարանը:

Դատարանը նշել է նաև, որ դեպքերի վաղեմությունը Թուրքիային պատասխանատվությունից չի ազատում, և այդ երկրին կարգադրել է փոխհատուցումը վճարել 18 ամսվա ընթացքում:

Այդ հակամարտության ընթացքում հարազատներ կորցրած կիպրոսցիներին պետք է վճարվի 30 մլն եվրո, իսկ առանձնատարածքի վերածված Կարապաս թերակղզու հույն կիպրացիներին՝ 60 մլն եվրո փոխհատուցում։