Թուրքիան ստորջրյա խողովակաշարով ջուր կմատակարարի Հյուսիսային Կիպրոսին

Թուրքիան Միջերկրական ծովի հատակով խողովակաշար է կառուցելու Հյուսիսային Կիպրոսին ջուր մատակարարելու համար: Ծրագրվում է, որ այն կկիրառվի նաեւ էլեկտրաէներգիայի մատակարարման համար. տեղեկացնում է Anadolu գործակալությունը:

Հյուսիսային Կիպրոսը մշտապես ջրի ու էլեկտրաէներգիայի պակաս է ունեցել: Ընդ որում` էլեկտրաէներգիայի գինը, օրինակ, երկու անգամ ավելի է, քան Թուրքիայում:

Խողովակաշարը Թուրքիայի հարավից տարեկան 75 մլն խորանարդ մետր ջուր է տեղափոխելու Հյուսիսային Կիպրոս: Նախագծի արժեքը 1 մլրդ թուրքական լիր է` մոտ 550 մլն դոլար: Այն իրականացվելու է 4 փուլով եւ արդեն մեկնարկել է Մերսին նահանգում` ամբարտակի կառուցմամբ: