«Empyray»-ն` առանց Եվա Սուջյանի. խումբը վերակառուցում է իր ուժերը

2013-ի հոկտեմբերին «Empyray» ռոք խմբի մենակատար Սարգիս Մանուկյանին փոխարինեց Եվա Սուջյանը: Թվում էր` անսովոր կլինի կանացի ձայնը «Empyray»-ի համար, բայց հանդիսատեսը շատ շուտ հարմարվեց փոփոխությանը:

Այսօր, սակայն, պարզ դարձավ, որ Սուջյանը որոշել է իր անհատական կարիերայով զբաղվել և այսուհետ հանդես չի գա որպես խմբի անդամ:

Yerkir.am-ի հետ զրույցում «Empyray» ռոք խմբի երաժիշտ, երգահան Գիսանե Պալյանը նշեց, որ որոշումը երկկողմանի է եղել:

«Առայժմ պարզ չէ, թե ով կփոխարինի նրան, բայց արդեն ունենք տարբերակներ: Մենք այժմ վերակառուցում ենք մեր ուժերը, և նոր վոկալիստ ունենալու դեպքում նրան հանդիսատեսին կներկայացնենք գործով` մեր նոր երգով»,- ասաց նա: