Իր 2 կանանց սպանած թուրքը նոր կին է փնտրում

Թուրքիայում ամուսնության հեռուստածրագրի մասնակցած 62-ամյա Սեֆեր Բեյը այնպիսի հայտարարություններ է արել, որ ոչ միայն հաղորդավարը, այլ նաև հանդիսատեսը ապշել են:

Ըստ Hurriyet-ի՝ երրորդ անգամ ամուսնանալու նպատակով այդ ծրագրին մասնակցած թուրքը հայտնել է, թե առաջին կնոջը, ով եղել է իր հարազատ հորեղբոր դուստրը, սպանել է խանդի պատճառով և 14 տարի բանտարկվել, ապա համաներումով ազատ արձակվել:

Առաջին լուրը հանդիսատեսի կողմից դեռ «չմարսված»՝ նա երկրորդ հայտարարությունն է արել` ասելով, որ երկրորդ անգամ հարաբերության մեջ է մտել ամուսնացած կնոջ հետ, որին ևս սպանել է` պնդելով, որ կինն ինքն է առաջինը իր դեմ սպանության փորձ արել:

Երբ թուրք տղամարդն այդ դեպքերը համարել է «ճակատագիր», հաղորդավարը նրան դուրս է հրավիրել տաղավարից: