«Դեմ եմ». երթ՝ Մոսկվա կինոթատրոնի մոտից

«Դեմ եմ»-ը ֆեյսբուքյան իր էջում տեղեկացնում է, որ մայիսի 8-ին՝ ժամը 19:00-ին, հավաքվելու են Մոսկվա կինոթատրոնի մոտ եւ երթ են անելու:

«Քանի դեռ ՀՀ քաղաքացիներին թալանում են իշխանությունները, մենք չենք դադարեցնելու պայքարը: Եկեք ամբողջ ուժով, որքան որ կարող ենք, շատ-շատ մարդկանց ներգրավենք և հրավիրենք բողոքի ակցիային, քանի որ սա բոլորի շահերի համար է: Մեզ համար կարևորագույն խնդիրն այսօր մեր հայրենակիցներին ոտքի հանելն է, պայքարի ոգեկոչելը: Կասկած չունեմ, որ մեզնից ամեն մեկի մեջ մի քաջարի հայորդի է, որին պետք է ուղղակի զարթնեցնել և ներգրավել մեծ գործի մեջ: Մենք կարող ենք, ուղղակի ամեն մեկիցս պահանջվում է մեծ ջանք ու եռանդ: Հոգով և սրտով նվիրված գնանք առաջ, քանի դեռ չկա ցանկալի արդյունք»,- ասված է հայտարարության մեջ: