18-ից ավելի ոչխար վրաերթի հետևանքով սատկել է. գյուղացիները բորբոքված են

Shamshyan.com-ը հայտնում է, որ քիչ առաջ արտակարգ ու լարված իրավիճակ է ստեղծվել Երևան-Գյումրի ավտոճանապարհին՝ Մաստարա գյուղի տարածքում: Առավոտյան անհայտ մակնիշի և համարանիշի ավտոմեքենայի վարորդը դեպի Երևան ընթանալիս վրաերթի է ենթարկել Մաստարա գյուղի բնակիչ Սևակ Գևորգյանին պատկանող ոչխարի հոտը: Մաստարայից ֆոտոլրագրող Գագիկ Շամշյանը հայտնում է, որ վարորդը դիմել է փախուստի, իսկ 18-ից ավելի ոչխար վրաերթի հետևանքով սատկել է, մի մասն էլ վնասվածքներ է ստացել:

Գյուղացիներն այս պահին փորձում են ճանապարհը փակել, սակայն նրանց հետ սկսեցին բանակցություններ վարել Թալինի ոստիկանապետ Գևորգ Պողոսյանը և ճանապարհային ոստիկանության 2-րդ սպայական գումարտակի 2-րդ վաշտի հրամանատար Արմեն Կարապետյանը:

Վրաերթի ականատես հովիվը ոստիկաններին ասել է, որ ավտոմեքենան եղել է սպիտակ գույնի, Ford մակնիշի, իսկ վթարի վայրում ոստիկանները հայտնաբերել են վնասված մեքենայի դետալներ:

Մանրամասները` սկզբնաղբյուր կայքում: