Ֆուտբոլ. Հայաստանի` մինչև 17 տարեկանների հավաքականը մեկնեց Մակեդոնիա

Արդեն տեղեկացրել ենք, որ ապրիլի 21-25-ը Հայաստանի` մինչև 17 տարեկանների հավաքականը ՆՀՀ Մակեդոնիայում կմասնակցի ՈւԵՖԱ-ի զարգացման մրցաշարին, որտեղ մեր թիմի մրցակիցները կլինեն  Մակեդոնիայի, Վրաստանի եւ Կիպրոսի` մինչև 17 տարեկանների հավաքականները: Հայաստանի ազգային հավաքականի գլխավոր մարզիչ Բեռնար Շալանդը, ով ստանձնել է նաեւ Հայաստանի ազգային հավաքական թիմերի հետ տարվող աշխատանքների համակարգումը, անձամբ է գլխավորել հավաքականը ՆՀՀ Մակեդոնիայում կայանալիք մրցաշարում, եւ այսօր առավոտյան հավաքականը հենց Բեռնար Շալանդի գլխավորությամբ է մեկնել Մակեդոնիա: 

ՆՀՀ Մակեդոնիայում տեղի ունենալիք` ՈւԵՖԱ-ի զարգացման մրցաշարի խաղացանկն այսպիսի տեսք ունի`

 22.04.2014 Վրաստան-Հայաստան (13:00)

22.04.2014 ՆՀՀ Մակեդոնիա-Կիպրոս (18:00)

23.04.2014 Կիպրոս-Վրաստան (13:00)

23.04.2014 ՆՀՀ Մակեդոնիա-Հայաստան (18:00)

25.04.2014 Հայաստան-Կիպրոս (13:00)

25.04.2014 ՆՀՀ Մակեդոնիա-Վրաստան (18:00)

 Խաղերի սկիզբը նշված է Երևանի ժամանակով:

Աղբյուր՝ ffa.am