Մահացել է Գաբրիել Գարսիա Մարկեսը

Այսօր` ապրիլի 18-ին, Մեքսիկայի մայրաքաղաք Մեխիկոյում 87 տարեկան հասակում  կյանքից հեռացել է  աշխարհահռչակ կոլումբացի գրող Գաբրիել Գարսիա Մարկեսը: Այս մասին հաղորդել է մեքսիկական Foro TV հեռուստաընկերությունը:

Գաբրիել Գարսիա Մարկեսը վերջերս էր դուրս գրվել հիվանդանոցից: Վերջին անգամ նա  հասարակության հետ շփվել էր, երբ մարտի սկզբներին դուրս էր եկել տանից` հանդիպելու իր գրչի սիրահարների և երկրպագուների հետ, ովքեր հավաքվել էին Մարկեսի տան մոտ` նշելու նրա ծննդյան տարեդարձը:

Կոլումբիայի նախագահ Խուան  Մանուել Սանտոսը Twitter-ի իր միկրոբլոգում ցավակցել է գրողի ընտանիքին և հարազատներին: «Հազար տարվա մենություն և տխրություն  բոլոր ժամանակների ամենամեծ կոլումբացու մահվան կապակցությամբ»,-գրել է նա: