Պուտինը մոտ օրերս պաշտոնանկ կանի Մեդվեդևին. Газета.ru

ՌԴ նախագահ Վլադիմիր Պուտինը երկու շաբաթվա ընթացքում հնարավոր է պաշտոնանկ անի որոշ «թույլ» նախարարների, այդ թվում՝ ՌԴ վարչապետ Դմիտրի Մեդվեդևին: Այդ մասին հայտնում է Газета.ru-ն՝ վկայակոչելով իր աղբյուրները:

Պարբերականը նշում է, որ Ռուսաստանի տնտեսության վիճակն  այնքան արագ է վատանում, որ Պուտինը չի կարող իրեն թույլ տալ այսուհետ ևս ունենալ բացառապես «տեխնիկական» կառավարություն:

Բացի այդ, պարբերականի կարծիքով, «Ղրիմի՝ ՌԴ-ին միացումից հետո Պուտինը այնպիսի ռեկորդային վարկանիշ է ձեռք բերել, որ պետք է արագ առաջ շարժվել»: Թերթը  նշում է, որ Պուտինը  հոգնել  է Մեդվեդևից, նա նրան նյարդայնացնում է:

Ըստ թերթի աղբյուրների՝  Մեդվեդևին  այդ պաշտոնում կարող են փոխարինել ՌԴ ֆինանսների նախկին նախարար Ալեքսեյ Կուդրինը, ՌԴ կառավարության ղեկավարի առաջին տեղակալ Իգոր Շուվալովը կամ Մոսկվայի քաղաքապետ Սերգեյ Սոբյանինը: