Թե ինչպես է Էրդողանը շեղել թեման լրագրողի հարցին պատասխանելիս

Թուրքիայի ԵՄ հարցերով նախկին նախարար Էգեմեն Բաղըշի` համացանցում հայտնված ձայնագրության վերաբերյալ` լրագրողի հարցը բարկացրել է Էրդողանին:

Ըստ Hurriyet-ի՝ լրագրողի հարցին, թե ի՞նչ է Էրդողանը մտածում համացանցում հայտնված ձայնագրության մասին, որում Բաղըշը հեգնանքով է խոսում Ղուրանի պատվիրանների մասին, և ինչո՞ւ «Արդարություն և զարգացում» կուսակցությունն իր վերաբերմունքը չի ցուցաբերել այս հարցում, վարչապետը պատասխանել է` փորձելով շեղել թեման.

«Նախ ասեմ՝ լրագրող եք, բայց թեմային լավ ծանոթ չեք: Բաղըշն արդեն հայտնել է, որ նման բան չի ասել, և մենք նրան հավատում ենք: Մենք մեր ընկերոջը ավելի լավ ենք ճանաչում, քան ներկայացնում են այս մոնտաժն անողները: Եթե այդպես լիներ, իմ մասին էլ ասում են, որ ուրբաթ օրվա նամազը չեմ անում: Մենք նրանցից շատ ավելի լավ գիտենք որտեղ և ինչպես են անում նամազը»: