Էլ ինչ Թատրոնի միջազգային օր` առանց «Արտավազդ» մրցանակաբաշխության

Էլ ինչ Թատրոնի միջազգային օր' առանց «Արտավազդ» մրցանակաբաշխության. երեկ Գ. Սունդուկյանի անվան թատրոնում տեղի ունեցավ ամենամյա «Արտավազդ» մրցանակաբաշխությունը:

ՀԹԳՄ նախագահ Հակոբ Ղազանչյանը նշեց, որ այս տարի մրցանակաբաշխությունն առանձնանում էր, քանի որ երիտասարդների միջև ուժեղ և առողջ մրցակցություն էր ընթանում: «Պետք չէ երազել, որ թատրոնում ամեն ինչ լավ լինի, եթե այդպես լինի, նշանակում է` ինչ-որ բան այն չէ, ինչ-որ հարցում կաղում ենք: Այնուամենայնիվ, ցանկանում եմ հետաքրքիր ներկայացումներ, լիքը դահլիճներ և բարձր աշխատավարձ»,- ասաց նա:

Անցնենք մրցանակներին: Այս տարի «Արտավազդը» նվիրված էր Հրաչյա Ղափլանյանի ծննդյան 90-ամյակին: Հրաչյա Ղափլանյանի անվան հատուկ գլխավոր մրցանակին արժանացավ  Արա Երնջակյանը, իսկ բեմանկարչական վաստակի համար հատուկ մրցանակի` Ռոբերտ Էլիբեկյանը: Ժիրայր Դադասյանին նույնպես հատուկ մրցանակ բաժին հասավ' տարվա խոշորագույն թատերական նախագծի՝  Շուշիում «Արծվաբերդ» օպերայի բեմադրության ռեժիսուրայի համար, իսկ Աիդա Սիմոնը հատուկ մրցանակը ստացավ գրական ստեղծագործության և պարային պլաստիկ ինքնատիպ մեկնաբանության համար  /«Pro Շամիրամ»,  Երևանի Հ. Թումանյանի անվ. պետ. տիկնիկային թատրոն/:

ՀԹԳՄ «Ոսկե մեդալի» արժանացան Սամվել Խոդիկյանը, Արմեն Բայանդուրյանը, Վոլոդյա Գրիգորյանը, իսկ թատերարվեստին  արժանապատիվ ծառայության համար պարգևատրվեցին Ժիրայր Կարապետյանը, Արտաշես Հովհաննիսյանը, Մանիկ Նահապետյանը:

***

Գլխավոր դերի դեբյուտ

Նորա Գրիգորյան - (Անուշկա) /«Ամեն ինչ վաճառվում է»/ Կ. Ստանիսլավսկու անվան ռուսական դրամատիկական թատրոն

Վարդան Կուղյանոսյան - (Վանյա Ժվաչկին)  /«Սիրո զոհեր»/ Հ. Պարոնյանի անվան երաժշտական կոմեդիայի թատրոն                            

***

Լավագույն երիտասարդ դերասանուհի

Մարիամ Ղազանչյան   «Մեղրի համը» /Ջո/  Պատանի հանդիսատեսի թատրոն

Նարինե Պետրոսյան    «Վերջին ծաղրածուն»  /Սալլի/      Հ. Ղափլանյանի անվ. դրամատիկական թատրոն

***

Լավագույն երիտասարդ դերասան

Սամվել Դանիելյան   «Մեղրի համը» /Ջեֆ/    Պատանի հանդիսատեսի թատրոն

***

Լավագույն երիտասարդ Բեմադրիչ

Գոռ Մարգարյան         «Մեղրի համը»             Պատանի հանդիսատեսի թատրոն

***

Լավագույն երիտասարդական ներկայացում

«Մեղրի համը», բեմ' Գոռ Մարգարյան   Պատանի հանդիսատեսի թատրոն

***

Երաժշտական ձևավորում

Վահե Հայրապետյան    «Գազանանոց Մադագասկար»

***

Լավագույն սցենոգրաֆիա

Սեդրակ Վելիկոդնի   «Առնետները»   Գյումրու Վ. Աճեմյանի անվ. պետ. դրամ. Թատրոն

***

Երկրորդ պլանի լավագույն կին դերակատար

Արմինե Վերմիշյան   «Չար ոգի»  /Ջավահիր/ Վանաձորի  Հ. Աբելյանի  անվ.  պետական դրամատիկական  թատրոն

***

Երկրորդ պլանի լավագույն տղամարդ դերակատար

Իշխան Ղարիբյան       «Մեղրի համը» /Փիթեր/ Պատանի հանդիսատեսի թատրոն

***

Լավագույն կին դերակատար

Շուշան Ղազարյան    «Մեղրի համը» /Էլեն/ Պատանի հանդիսատեսի թատրոն

***

Լավագույն տղամարդ դերակատար

Գագիկ Մադոյան         «Քեռի Վանյա» /Աստրով/     «Համազգային» թատրոն

***

Լավագույն ռեժիսուրա

Լյուդվիգ  Հարությունյան       «Առնետները»  Գյումրու Վ. Աճեմյանի անվ. պետ. դրամ. թատրոն

***

Լավագույն ներկայացում

Հրաչյա Գասպարյան                «Քեռի Վանյա»   «Համազգային» թատրոն