Կառավարությունը շարունակում է պետբյուջեից գումարներ դուրս գրել Հայաստանից արդեն մեկնած սիրիահայերի համար

«Իրատես de facto»-ն գրում է. «Կառավարությունը շարունակում է օգնության կարգով պետբյուջեից գումարներ հատկացնել սիրիահայերին, բայց «ստացող» չկա։ Բանն այն է, որ սիրիահայերի մի ստվար հատված կրկին վերադարձել է Սիրիա կամ պարզապես մեկնել Հայաստանից, սակայն պետբյուջեից նույն քանակությամբ գումարներ են դուրս գրվում։ Ո՞ւր են գնում այդ փողերը, եթե հասցեատերերը չկան։

Խնդրի առնչությամբ պարզաբանում խնդրեցինք աշխատանքի և սոցիալական հարցերի նախարար Արտեմ Ասատրյանից, ով հարցի հասցեատեր համարեց սփյուռքի նախարարությանը։

«Սիրիահայերի հետ կապված բոլոր աշխատանքները համակարգել և համակարգում է սփյուռքի նախարարությունը։ Ստեղծվել է հանձնաժողով, որտեղ մենք էլ ներկայացուցիչ ունենք։ Նրանք հիմնականում զբաղվածության գործակալության մեր անդամներն են եղել, որոնք այս ընթացքում փորձել են աշխատանքի տեղավորման հետ կապված հարցեր լուծել։ Ամփոփ պատկերը, թե ինչպիսին է եղել օժանդակությունը, և որքան մարդ ինչպիսի ծրագրերում է ընդգրկվել, ձեզ կարող է ներկայացնել միայն սփյուռքի նախարարությունը»,– նշեց նախարարը։

Դե ինչ, առաջիկայում կփորձենք այն հարցի առնչությամբ լսել նաև սփյուռքի նախարարության պարզաբանումը»։

Մանրամասն՝ թերթի այսօրվա համարում։