Սուսերամարտի պատանեկան հավաքականը մեկնում է Երուսաղեմ

Սուսերամարտի պատանեկան հավաքականը մեկնում է Երուսաղեմ՝ մասնակցելու փետրվարի 22-ից մինչև մարտի 2-ն անցկացվելիք Եվրոպայի պատանեկան առաջնությանը. տեղեկացնում է msy.am-ը:

Եվրոպայի պատանեկան առաջնության տղաների «ճկասուսեր»  մրցաձևում կպայքարի «Երևանի  հրաձգության մանկապատանեկան մարզադպրոց»-ի սան՝ 2013 թ. Երևանում կայացած միջազգային մրցաշարի հաղթող Մայքլ Հովհաննիսյանը , աղջիկների  «խոցասուսեր»  մրցաձևում՝ սուսերամարտի «Քեթրին»  ակումբի սան, երևանյան միջազգային մրցաշարի հաղթող  Էմմա Պողոսովան, իսկ տղաների  «խոցաուսեր» մրցաձևում՝ «Հայաստան» մարզական միության Նորագավթի սուսերամարտի մարզադպրոցի սան,  միջազգային մրցաշարի մրցանակակիր Էդվարդ Հովիկյանը:        

Պատվիրակությունը կգլխավորի ֆեդերացիայի նախագահ Արմեն Գրիգորյանը, թիմի մարզիչն է Ավետիք Պողոսյանը: