Հայաստանի 170.000 քաղաքացու արգելվել է մուտք գործել Ռուսաստան

Հայաստանի մոտ 170 000  քաղաքացիների, որոնց` ՌԴ տարածքում գտնվելու ժամկետը լրացել է, և նրանք չեն ձևակերպել աշխատանքային գործունեության մասին փաստաթղթեր, արգելվել է ՌԴ տարածք մուտք գործել: Նրանք հայտնվել են  «ռիսկային խմբում». հայտնում է Газета.Ru-ն՝ վկայակոչելով  ՌԴ դեսպանատան՝ Հայաստանի միգրացիոն հարցերով  աշխատակից Սվետլանա Ստեպանովային:

Մուտքի արգելքը նրանց համար կտևի երեքից հինգ տարի՝ կախված խախտումների տեսակից:

Նշվում է, որ Ռուսաստան մուտքի արգելքի մասին շատ քաղաքացիներ իմացել են միայն օդանավակայանում: Ընդ որում՝ տոմսերը նրանց չեն վերադարձվել և չեն էլ տվել մերժման բացատրություններ, ինչը նրանց մոտ վրդովմունք է առաջացրել: