Մայդանը գործում է ի շահ իշխանությա՞ն

«Մայդանի» հանրային խորհրդին կասկածում են իշխանության, այլ ոչ ընդդիմության շահերը պաշտպանելու մեջ: Նման հայտարարությամբ է հանդես եկել Ուկրաինայի Батькивщинa ընդդիմադիր խմբակցության պատգամավոր Օլեգ Մեդունիցան. հայտնում է Лента.ру-ն:

Նա կարծում է, որ Յանուկովիչը հատուկ մարդիկ ունի Մայդանում, ովքեր փորձում են  կազմաքանդել այն  ներսից: Մեդունիցան նշել է, որ, երբ իշխանությունները տեսնում են` ուժով չեն կարողանում ցրել Մայդանը, փորձում են ներսում խնդիր ստեղծել: Այդպես է նա մեկնաբանել վերջերս «Մայդանի» հանրային խորհրդի հնչեցրած պահանջը ընդդիմության միասնական թեկնածուի վերաբերյալ, հարցը պետք է որոշվեր մինչեւ հունվարի 10-ը: Պատգամավորը նշել է նաև, որ այդ պահանջը ոչ ոք չի իրականացնի: