Պուտինը մրցակից չունեցող խուլիգան է. Time

«Երևում է՝ 2012-ին իշխանությունը վերադարձնելուց ի վեր Պուտինը որոշել է մի քանի դաս տալ աշխարհին: Առաջին հերթին նա հասկացրեց, որ պետք չէ իրեն թերագնահատել միջազգային հարթակում: Երկրորդն այն է, որ Մոսկվան շարունակելու է վերականգնել իր վերահսկողությունն այն տարածաշրջանների վրա, որոնք Ռուսաստանի ազդեցության շրջանակում են: Եվ նաև ցույց տվեց, որ տանը կարող է անել այն ամենը, ինչ  խելքին փչի»,- կարծում են Գերմանիայի ՊՆ նախկին ղեկավար Կարլ ցու Գուտենբերգը և ռուս ընդդիմադիր Գարի Կասպարովը, ովքեր հոդված են գրել Time-ի համար:

Ըստ հեղինակների` ողջ տարվա ընթացքում Պուտինին հաջողվել է «հալածել» Արևմուտքին: Ըստ նրանց՝ եթե խոսենք «Տարվա խուլիգան» տիտղոսի մասին, ապա Պուտինն այդ հարցում մրցակցությունից դուրս է: Սակայն նրանք նշում են, որ, ինչպես յուրաքանչյուր խուլիգան, Պուտինը նույնպես չի կարողացել լավ կատարել «տնային հանձնարարությունները»:  Նրանք նկատի ունեն Ռուսաստանում առկա իրավիճակը, որը, ըստ հեղինակիների, հեռու է իդեալականից` տնտեսությունը քանդվում է, ինֆլյացիան հասել է 6%-ի, տնտեսական աճը դանդաղում է: