Ակտիվիստները ''քֆուր են դրել''

Այսօր հերթական բախումային վիճակը ստեղծվեց ոստիկանության եւ ԱԺ շենքի առջեւ բողոքի ցույց անցկացնող ակտիվիստների միջեւ:

ԱԺ-ում այսօր կառավարությունը նախաձեռնել է արտահերթ նստաշրջան, որի օրակարգում ընդգրկված է նաեւ ՀՀ եւ ՌԴ կառավարությունների միջեւ ստորագրված մի շարք միջպետական համաձայնագրերի վավերացումը: Այդ կապակցությամբ ԱԺ շենքի առջեւ բողոքի ցույցի էին դուրս եկել ակտիվիստներ, որոնք մի պահ որոշեցին անցնել կտրուկ գործողությունների: Նրանք այդ համաձայնագրերի վավերացման օգտին քվեարկողներին համարում են դավաճաններ եւ հայտարարեցին, թե «քֆուր են դրել» նրանց վրա, ով կողմ կքվեարկի համաձայնագրերի վավերացմանը: Հետո նրանք, ուս ուսի տված, փակեցին Բաղրամյան պողոտան' ամբողջությամբ կանգնեցնելով երթևկությունը եւ վանկարկելով` ստրուկներ, դավաճաններ...

Ոստիկանությունն էլ, իր հերթին, անցավ կոշտ գործողությունների` ուժով ակտիվիստներին հեռացնելով պողոտայից, իսկ այնուհետեւ բազմաթիվ ակտիվիստների բռնի կերպով նստեցրեցին ոստիկանական մեքենաները Ակտիվիստներից մեկի քիթն այդ ընթացքում վնասվեց, մեկ այլ ակտիվիստ էլ ձեռքի վնասվածք ստացավ:

ԱԺ-ի առջեւ այսօր տեղի ունեցած թեժ իրադրությունը` տեսանյութում: