Արմեն Նազարյանը ճանաչվել է Բուլղարիայի լավագույն մարզիչ

Հունահռոմեական ոճի ըմբշամարտի Բուլղարիայի մեծահասակների ազգային հավաքականի գլխավոր մարզիչ, օլիմպիական խաղերի կրկնակի ոսկե մեդալակիր, աշխարհի եռակի, Եվրոպայի վեցակի չեմպիոն Արմեն Նազարյանը  ճանաչվել է Բուլղարիայի 2013թ. լավագույն մարզիչ:

Մարզական լրագրողները նրան տվել են ամենաշատ ձայները: Արդյունքում նա՝ 147 միավորով շրջանցել է  վոլեյբոլի Բուլղարիայի հավաքականի մարզիչ Կամելո Պլաչիին, ով ուներ 108  միավոր, և  ֆուտբոլի Բուլղարիայի չեմպիոն «Լուդոգորեցը» գլխավորող Ստոյչո Ստոեւին` 102 միավոր:

«Շնորհակալություն մարզական լրագրողներին և իմ թիմին: Շատ ուրախ եմ այս կապակցությամբ: Ես հասել եմ մեծ հաջողությունների»,-ասել է Նազարյանը: