Խուդոյանների 8 ամսական երեխային նույնպես տարան նախագահականի մոտից

Արդեն տեղեկացրել ենք, որ այսօր առավոտյան անհայտ անձինք նախագահի նստավայրի մոտից սեւ մեքենաներով տարել են այնտեղ նստացույց անող Խուդոյանների ընտանիքին` տեղում թողնելով նրանց 8 ամսական երեխային:

Yerkir.am-ի հետ զրույցում նախագահի նստավայրի մոտ նստացույց հայտարարած Էմմա Սահակյանը հայտնեց, որ կեսգիշերին իրենց են այցելել մի խումբ մարդիկ եւ փորձել բռնի կերպով բոլորին տուն տանել:

«Խուդոյաններին տարան, իսկ երեխային չէին նկատել: Առավոտյան երեխայի լացի ձայնից իմացա, որ թողել են նրան: Գրկեցի, հանգստացրի, սակայն որոշ ժամանակ անց նույն մարդիկ եկան եւ բռնի կերպով երեխային տարան»,- ասաց տիկին Էմման:

Նա նշեց նաեւ, որ իրենց զգուշացրել են` Պուտինը կգա-կգնա, նոր կշարունակեք ձեր նստացույցը: