Տնեցիքով կուսակցություն կստեղծեն

»Սոցիալ-դեմոկրատ հնչակյան կուսակցության շուրջ կրքերը թեժանում են։ Մի քանի տարի առաջ պառակտված կուսակցությունը թեեւ չմիավորվեց, բայց   իրավական ատյաններով կուսակցությունը ղեկավարելու իրավունք ստացավ  Սեդրակ Աճեմյանի թիմը, որի ատենապետի պաշտոնում երեկ ընտրվել է վարչապետի օգնական Նարեկ Գալստյանը` ազատվելով օգնականի պաշտոնից եւ փոխարինելով Գեւորգ Պերկուպերկյանին։ Ի դեպ, ընդամենը մի քանի օր առաջ նրանք հերքում էին Նարեկ Գալստյանի՝ ՍԴՀԿ նախագահի թեկնածու լինելու հանգամանքը: Այժմ ՍԴՀԿ՝ Հայ ազգային կոնգրեսին հարող թեւը, Լյուդմիլա Սարգսյանի գլխավորությամբ, որոշել է ստեղծել նոր ուժ՝ «Վերակազմյալ Սոցիալ-դեմոկրատ հնչակյան»։Ըստ «Հրապարակի» այս թիմի մեջ կընդգրկվեն Գուրգեն Եղիազարյանի եւ ԱԺ պատգամավոր Լյուդմիլա Սարգսյանի մերձավորները՝  Եղիազարյանի որդին, քույրը, Լյուդմիլա Սարգսյանի մտերիմները, ընկերուհիները, ինչպես նաեւ վարորդը։