Ուկրաինան, Լեհաստանը եւ Լիտվան ռազմական բրիգադ կստեղծեն

Ուկրաինան, Լեհաստանը եւ Լիտվան պայմանավորվել են մոտ ժամանակներս համատեղ ռազմական բրիգադ ստեղծելու մասին. տեղեկացնում է РБК-Украина-ն: Հարցը Ուկրաինայի նախագահ Պյոտր Պորոշենկոն եւ Լեհաստանի վարչապետ Դոնալդ Տուսկը քննարկել են երեկ տեղի ունեցած հետախոսազրույցի ընթացքում:

Պորոշենկոն նաեւ առաջարկել է Լեհաստանին միանալ Դոնեցկի` աշխարհազորայինների կողմից լքված տարածքներում աշխատատեղեր ստեղծելու ծրագրին:

Երեք երկրների համատեղ ռազմական բրիգադ ստեղծելու մասին համաձայնագրի նախագծին Ուկրաինայի կառավարությունը հավանություն է տվել մայիսի վերջին: Այն ժամանակվա պաշտպանության նախարար Միխայիլ Կովալն ընդգծել էր, որ դա շատ կարեւոր որոշում է, քանի որ բրիգադի կազմում լինելու են ՆԱՏՕ-ի երկու երկրների ստորաբաժանումներ: Նա նաեւ նշել էր, որ համատեղ բրիգադը խաղաղապահ գործառույթներ էլ է իրականացնելու: