Պուտինի անձնական կյանքի հետ գործ չունեք. Պեսկով

Պուտինի անձնական կյանքը փակ տարածք է, ուր ոչ ոք չպետք է ներխուժի: Այդ մասին The New Times-ին տված հարցազրույցում ասել է ՌԴ նախագահի մամուլի քարտուղար Դմիտրիյ Պեսկովը:

Միևնույն ժամանակ նա նշել է, որ բոլորին քաջ հայտնի է՝ ինչպիսի ընտանիք ունի Պուտինը: "Գիտե՞ք՝ երբ է քաղաքական գործչի համար կարևոր պատմել իր ընտանիքի մասին: Երբ, որ նա գնում է ընտրությունների և ժողովուրդը չգիտի՝ ով է նա: Այդ ժամանակ է, որ քաղաքական գործիչը նպատակ է ունենում համոզել ընտրողներին, որ լավ ընտանիք ունի, և նրանք իրենց ձայնը պետք է իրեն տան",- նշել է նա:

Պեսկովի խոսքերով՝ ի տարբերություն արևմտյան գործիչների՝ Պուտինը լավ հայտնի է իր ընտրողներին: " Սակայն նա համոզված է, որ յուրաքանչյուր մարդ պետք է իր անձնական տարածքը ունենա, որտեղ ոչ ոք չպետք է ոտք դնի: Այդ տարածքն նրա համար իր ընտանիքն է",- ասել է նա:

 Նշենք, որ Պուտինի անձնական կյանքը  քննարկումների թեմա դարձավ հատկապես Լյուդմիլա Պուտինայից բաժանվելուց հետո: