Պուտինի և Էրդողանի անձնական հարաբերությունները հնարավորություն են տվել լուծելու մի շարք խնդիրներ. Պեսկով

Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի անձնական հարաբերությունները և կառուցողական ոգին թույլ են տալիս հակասական իրավիճակներում ներդաշնակ լուծումներ գտնել: Այս մասին հայտարարել է Ռուսաստանի Դաշնության նախագահի մամուլի քարտուղար Դմիտրի Պեսկովը «Ռոսիա-1» հեռուստաընկերությամբ հեռարձակվող «Մոսկվա. Կրեմլ. Պուտին» հաղորդմանը տված հարցազրույցում:

«Ի լրումն, իհարկե, մենք ունենք երկկողմ հարաբերությունների հսկայական համալիր: Եվ երբ այս շրջանակներում երկու պետություններ գլխավորում են միմյանց նկատմամբ նման վերաբերմունք ունեցող առաջնորդներ, որոնք միմյանց համարում են խոսքի և գործի մարդ, դա երաշխիք է: Այն փաստը, որ եթե նույնիսկ տարաձայնություններ առաջանան, եթե ինչ-որ տեղ շահերի բախում առաջանա, առաջնորդների կառուցողական վերաբերմունքը նրանց թույլ կտա ներդաշնակորեն դուրս գալ իրավիճակից»,- ասել է նա:

Պեսկովը հավելել է, որ Ռուսաստանն ու Թուրքիան ամենամեծ աշխարհաքաղաքական խաղացողներն են, որոնք կարող են և պետք է զգալի ներդրում ունենան տարածաշրջանում անվտանգության և կայունության ապահովման գործում: «Գոնե այնպես անել, որ պատերազմ չլինի»,- ամփոփել է նա: