Հայաստանը աշխարհի 4-րդ ամենառազմականացված երկիրն է (ինֆոգրաֆիկա)

Բոննի «Կոնվերսիայի միջազգային ինստիտուտը» նոյեմբերի 8-ին հրապարակեց ռազմականացման համաշխարհային տարեկան ցուցանիշները: Ըստ այդ ցուցանիշների` Հայաստանը աշխարհի ամենառազմականացված երկրների շարքում զբաղեցնում է 4-րդ հորիզոնականը:

Ռազմականացման ինդեքսների հաշվարկի ժամանակ ինստիտուտի կողմից հաշվարկվում են այնպիսի ցուցանիշներ, ինչպիսիք ենք տվյալ երկրի ՀՆԱ-ի եւ ռազմական ծախսերի հարաբերակցությունը, զինվորականների թվի հարաբերակցությունը երկրի ընդհանուր բնակչության թվին, ծանր սպառազինությունների թվի հարաբերակցությունը երկրի բնակչության թվին եւ այլն:

Այդ ցուցանիշներով` Ադրբեջանը զբաղեցնում է 8-րդ հորիզոնականը, մեր հարեւաններից Թուրքիան` 23-րդ, Իրանը` 28-րդ, Վրաստանը` 54-րդ: Իսկ այնպիսի գերտերություններ, ինչպիսիք ԱՄՆ-ը, Գերմանիան Ֆրանսիան, Չինաստանը, նույնիսկ ամենաբարձր գործակից ունեցող 20-յակում չեն:

Ինստիտուտի հաղորդագրության մեջ նշվում է, որ Հայաստանի եւ Ադրբեջանի  ռազմականացման բարձր գործակիցները պայմանավորված են ԼՂ հակամարտությամբ:

Ստորեւ ներկայացնում ենք «Կոնվերսիայի միջազգային ինստիտուտի» հրապարակած ցուցանիշները: