Հայաստանը աշխարհի երկրորդ` ամենավատ տնտեսություն ունեցող երկիրն է

Անցյալ տարի ամենավատ տնտեսություն ունեցող երկրներ ճանաչվածների ցուցակում այս տարի փոփոխություններ են արձանագրվել:

Forbes պարբերականը, ուսումնասիրելով երկրների վերջին երեք տարիների մակրոտնտեսական ցուցանիշները և զարգացման հեռանկարները, հանգել է եզրակացության, որ 2011-ին աշխարհի ամենավատ տնտեսությամբ երկիրը Մադագասկարն է։ Երկրորդ տեղում Հայաստանն է, երրորդում՝ Գվինեան։ «Առաջատարների» հնգյակը եզրափակում են Ուկրաինան և Ջամայկան:

Ի դեպ, անցյալ տարի Հայաստանն ու Ուկրաինան ընդհանրապես չկային ցուցակում։

Ըստ պարբերականի` Հայաստանը չի կարողանում ուշքի գալ ճգնաժամից հետո. 2009թ. Հայաստանում ՀՆԱ-ի 15% անկում է գրանցվել, պահպանվում է գնաճի բարձր մակարդակը` մոտ 7 տոկոս:

«Դեպի ծով ելք չունեցող հետխորհրդային այդ երկիրն ամեն ինչ անում է՝ աշխարհի մյուս երկրներից հետ չընկնելու համար»,– մխիթարում է Forbes-ը։